Gjobë dhe pezullime për Vllazninë dhe Kukësin, disiplina jep vendimet.Ja ndeshkimet.

Komisioni i Disiplinës ka publikuar vendimet, për të gjitha ngjarjet futbollistike të fundit.

Klubi i Vllaznisë ka marrë një gjobë në masën 100 mijë lek të reja, për shkak të sjelljes së gabuar të tifozëve.

POSTIMI:

KF Vllaznia, për sjellje të gabuar të spektatorëve duke hedhur sende në fushën e lojës, në bazë të neneve 8/1 dhe 17/2/b të KDE, dënohet me gjobë në masën 100.000 (njëqind mijë) lekë.

Zyrtari i KF Vllaznia, Ndriçim Shtubina, për sjellje josportive ndaj lojtarëve të ekipit kundërshtarë, në bazë të nenit 14/1/c të KDE dënohet me 2 (dy) ndeshje pezullim nga aktiviteti.

Zyrtari i FK Kukësi, Eronaldo Gjici, për sjellje josportive ndaj zyrtarëve të ndeshjes, në bazë të nenit 14/1/j të KDE dënohet me 4 (katër) ndeshje pezullim nga aktiviteti.