Një hetim i nisur në muajin Prill 2024 në prokurorinë e Tiranës, ka zbuluar një rast të paprecedentë të falsifikimit të librave të shkrimtarit më të njohur Shqiptar, Ismail Kadare.
Gazetari Elton Qyno ka mësuar se bëhet fjalë për 4 librat më të mirë të shkrimitarit të nnjohur siç është “Dimri i Vetmisë së madhe”, “Kronikë në gur”, “Gjenerali i ushtrisë së vdekur”, Pallati i Ëndrave, “Kush e solli Dorontinën” dhe “Prilli I thyer”.
Ndërkohë personi që është ndaluar me masë kufizimi detyrim paraqitje është Mirela Bardhi, pronarja e librit Universitar “Book Store“, ndaj të cilës prokuroria e Tiranës ka ngritur akuzën e “Shkeljen e të drejtave të pronësisë intelektuale” dhe “Fshehja e të ardhurave”
Romani “Dimri i vetmisë së Madhe” nuk është hera e parë që hyn dhe diskutohet në korridoret e gjykatës së Tiranës. Kjo pasi për herë të parë ky Roman, u bë objekt përballje ligjore në vitin 2012 mes shkrimtarit Ismail Kadare dhe Nexhmije Hoxhës, gruas si diktarorit Hoxha.
Në atë kohë Ismail Kadare, kërkonte përmes një padie civile dorëshkrimin original të romanit që bëri të famshëm Ismail Kadarenë, dorëshkrim që mbahej në koleksionin e Nexhmije Hoxhës.
Gjykata Civile në atë periudhë vendosi të pranojë kërkesën e Kadaresë, duke detyruar Nexhmije Hoxhën tia kthejë dorëshkrimin origjinal.
Por pas 12 vite nga kjo përballje ligjore sërisht veprat letrare të Ismail Kadarese, bëhen objekt hetimi dhe gjykimi në Gjykatën dhe prokurorinë e Tiranës.
Elton Qyno raporton se rasti është ndjekur me shumë vëmëndje në prokurorinë e Tiranës, ku pas një kallëzimi të depozituar në muajin Prill 2024 nga Enxhi Hudhri, vajza e pronarit të shtëpisë botues “Onufri”, kanë filluar hetimet për parandalimin e këtij precedent të falsifikimit të librave të shkrimtarit më të njohur Shqiptar, Ismail Kadare.
Çështja është administruar nga prokurori Bledar Valikaj, i cili në bashkëpunim dhe me policinë e Tiranës, kryen një seri veprimesh me qëllim parandalimin e kësaj paligjshmërie.
Ndërkohë kallëzuesja Enxhi Hudhri është bërë pjesë e veprimeve stimuluese në dobi të këtij procesi hetimor, duke u paraqitur në 10 Prill 2024 në librarinë në fjalë dhe ka bërë blerje të 2 librave të tjerë me autor Ismail Kadarenë, përkatësisht librat me titull “Gjenerali i ushtrisë së vdekur” dhe “Pallati i ëndrrave”, botime keto që nuk jane prodhuar nga shtëpia botuese “Onufri”, por kopje të pa autorizuara.
Enxhi Hudhri, është pyetur në prokurori nëse ka dyshime mbi ndonjë shtëpi botuese apo shtypshkronjë, e cila mund të prodhojë botime kopje të pa autorizuara të librave me autor “Ismail Kadarenë”, ajo ëshë shprehur se dyshon tek shtypshkronja “West Print” me administrator Eduart Vathi.
Ndërkohë kontrolle, janë kryer në ambjentet e shtypshkronjës “Ëest Print”, ku besoj se pikërisht në ambjentet e saj ishin falsifikuar dhe ambalazhuar librat e Kadaresë. Ky kontroll në ambjentet e Eduart Vathit, nuk ka sjellë rezultat në gjetjen e provave.
Gjithashtu kontrollet janë shtrirë dhe tek “Libri Universitar”, ku policia ka sekuestruar veprat letrare të njohur të botuara nga shkrimtari Ismail Kadare, vepra këto që janë botuar pa autorizimin e shkrimtarit të njohur dhe pa pëlqimin e shtëpisë botuese “Onufri” që ka ekskluzivitetin e botimit të veprave të shkrimtarit.
Në lidhje me këtë rast Enxhi Hudhri shprehet se ajo punon si dizajnuese në shtëpinë botuese “Onufri”, e cila njëkohësisht kjo shtëpi është dhe në pronësinë e babait të saj, Bujar Hudhri.
Ajo është paraqitur në lidhje me një prblem që iu ka ndodhur në lidhje me botimet që shtëpia e tyre botuese kryen sipas kontratave dhe marrëveshjeve që kanë me shkrimtarët dhe subjektet e tjera.
Një nga shkrimtaret që ata janë nën kontratë është dhe shkrimtari i njohur Ismail Kadare ku botojnë të gjitha kopjet e librave që ai është autor dhe njihet autorësia e tij.
Gjithashtu shtëpia e tyre botuese bën një bilanc dhe raport në lidhje me shitjet e librave që bëhen në libraritë ku ata shpërndajnë kopje botuese të librave të ndryshëm ku ndër ta janë dhe librat e autorit Ismail Kadare.
Në një nga libraritë e cila saktësisht ndodhet në rrugen “Abdyl Frashwri” e quajtur “Libri Universitar Book Store”. Nga raportimi që kjo librari ka bërë te “Onufri”, rezulton se për periudhën kohore nga 1 gusht 2023 deri më 1 janar 2024 nuk ishte shitur asnjë kopje e autorit Ismail Kadare dhe kjo e ka bërë të dyshoj se mund të jenë futur botime të kopjuara dhe të pa autorizuara nga ana e tyre si shtëpi botuese.
Për këtë arsye Enxhi vetë, në 9 Prill ka shkuar pranë kësaj librarie dhe ka bërë blerje të 3 librave me autor Isamil Kadaren, përkatësisht librat me titull “Prilli i thyer”, “Kush e solli Doruntinen” dhe “Kronikë në gur”, botime këto që nuk janë të shtëpisë se tyre botuese dhe janë kopje e pa autorizuar nga ana e tyre.
Në lidhje me këto blerje Enxhi, ka marë dhe kupon tatimor duke iu ofruar si libra të rregullt dhe të ligjshëm. Për këtë shqetësim ajo veç kopje të botuara pa autorizim, në cilësinë e provës material ka çuar në prokurori dhe kopje origjinale të botuara nga shtëpia e tyre botuese “Onufri” për tu bërë krahasimi i librave në fjalë dhe vërtetimi i botimeve kopje duke shkelur të drejtën e autorësisë.
Gjithashtu ajo është shprehur se se shenjat dalluese midis botimeve kopje dhe botimeve të tyre origjinale janë tek kopertina e librave dhe ngjyrave të saj, ku ndryshojne nga njëra-tjetra, ngjitësi etj.
Nisur nga kjo situatë dhe pas hetimeve të kryera për një periudhë dy mujore, prokuroria e Tiranës ka kërkuar gjykatë caktimin e masës së “detyrimit për tu paraqitur” në prokuror ndaj Mirela Bardhit, pronares së Librit “Universitar Book Store” që ndodhet në zonën e ish-Bllokut në Tiranë.
Kërkesa e prokurorisë është miratuar dhe ditën e djeshme gjykata e Tiranës ka lënë në fuqi këtë masë kufizuese për Mirela Bardhin, ndaj të cilës është ngritur akuza e “Shkeljes së të drejtave të pronësisë intelektuale” dhe “Fshehja e të ardhurave”.
